اعمال الرسل 10: 1- 28
كان فيه راجل روماني اسمه كرنليوس.. قائد فى الجيش.. و هو مش من نسل ابراهيم.. كان بيحاول يقرب بصدق من ربنا.. و بيعمل خير للمحتاجين.. و بيصلي كل يوم بإخلاص .. و فى يوم و هو بيصلي .. ظهرله ملاك و نداه : “يا كرنليوس” خاف جداً و قاله: ” نعم يا سيد ” قاله الملاك: ” الله سمع صلواتك.. و عرف قلبك.. و شاف كل الخير اللي انت بتعمله ” و قاله: ” ابعت لبطرس..ده راجل من أتباع الرب يسوع اللي عاشوا معاه .. هتلاقيه قاعد في بيت عند البحر.. أطلب منه إنه يجيلك ” .. و بمجرد ما الملاك مشي طلب كرنليوس تلاته من رجالته و حكالهم اللي الملاك قاله .. تاني يوم .. بطرس كان على سطح بيته بيصلي .. و كان جعان جدا.. و فى الوقت اللي كانوا بيجهزوله فيه الاكل .. شاف رؤيه .. ان السما اتفتحت و نزل منها ملايه مربوطه باربع اطرافها .. و مليانه بكل حيوانات و زواحف و طيور الارض المحرم أكلها.. و صوت من السما قال له: ” قوم يا بطرس ادبح و كل ” فبطرس رفض و قال: ” مش ممكن ابداً اكل من شئ محرم ” رد عليه الصوت و قاله: ” الشئ اللي ربنا طهره.. ماتعتبرهوش انت نجس ” و ده حصل تلات مرات و بعد كده الملايه طلعت للسما تاني.. قعد بطرس يفكر .. إيه معني الرؤيه دي ؟ .. فى الوقت ده .. رجالة كرنليوس وصلوا لبيت بطرس و سألوا عليه .. فالروح القدس قال لبطرس: ” انزل و قابلهم متخافش.. انا اللي باعتهم ” .. بطرس نزل و قال لهم: ” انتوا جيتوا ليه ” فحكوا له عن كرنليوس انه راجل معروف جدا من الناس .. و مشهود له بأعمال الخير .. و انه بيحاول يعرف ربنا بصدق .. و إنه ظهرله ملاك و قال له انه يبعتنا ليك يا بطرس .. عشان تروح معانا لبيته.. عشان نسمع اكتر عن ربنا و نعرفه ” .. و تاني يوم .. مشي بطرس و مجموعه من المؤمنيين لبيت كرنليوس .