كان فيه كاهن اسمه نيقوديموس.. جه للرب يسوع بالليل وقاله: انت معلم صالح  ومرسل من الله.. لأن ماحدش يقدر يعمل كل المعجزات دي .. إلا لو كان ربنا معاه.. فالرب يسوع قال له: أنا ها أقول لك الحقيقة.. أنه مافيش حد يقدر يدخل السما إلا لما يتولد مرة تانية .. رد عليه  وقاله : أنا مش فاهم .. يعني أدخل بطن أمي تاني .. وأنا راجل كبير في السن واتولد مرة تانية.. فرد عليه يسوع: إللى مش هيتولد من الميه و الروح.. مش هيدخل السما.. لأن المولود من البشر بشرى.. والمولود من الروح روحى.. فرد عليه وقال له : يعني إيه ؟ .. فالرب يسوع قال: أنت معلم دين كبير ومش فاهم .. انا قولتلك حاجات واضحة زي الشمس .. وانت مش مصدقني.. دى أمور تخص الله؟ .. ماحدش هيصعد للسما إلا اللي نزل منها.. اللي هو المخلص الموعود بيه.. قد ايه ربنا حب كل العالم.. لدرجة أنه أرسل أبنه الوحيد .. عشان يفدي البشر وينقذهم ..  كل اللي هايآمن بيه و يصدقه .. هتكون ليه حياة مابتنتهيش مع ربنا..  الله أرسل ابنه للعالم.. مش عشان يحكم عليه ويعاقبه .. لكن عشان ينقذه ويخلصه .. ويصحح علاقة ولاد أدم بربنا مرة تانية.. اللي هيآمن  بالمخلص الموعود بيه هيخلص .. ومش هايتحكم عليه.. لكن اللي هيرفضه .. هيبقي محكوم عليه بالموت.. النور جه للعالم.. لكن فيه ناس حبوا الضلمة أكتر من النور .. عشان أعمالهم كلها شر .. بيخافوا إن النور يفضحهم .. لكن اللي بيحبوا المخلص الموعود بيه … هما دول اللي بيحبوا النور.. عشان يظهر الخير اللى بيعملوه للعالم .. و كل الناس لازم تعرف إن الخير ده ..  مصدره هو الله .