يوحنا 1:4-42
في يوم من الأيام.. الرب يسوع و اتباعه.. كانوا ماشيين في منطقة السامرة .. و وصلوا عند بير مية .. وكان وقت الضهر .. فالرب يسوع قعد جنب البير .. يستني تلاميذه يشتروا اكل.. وقتها واحده ست جت تملا مية من البير.. فالرب يسوع قال لها .. إدينى أشرب.. فردت عليه .. ازاي بتطلب مني مية .. و انت يهودي وانا سامريه .. ده شعبك بيعتبرنا كفار .. فرد عليها الرب يسوع .. لو عرفتي هدية ربنا ليكي .. و مين اللي بيطلب منك .. فكنتي انتي اللي طلبتي منه.. فيديكي ماء حي .. اللي بيشرب من البيرده بيفضل عطشان .. لكن اللي بيشرب من المية الحية اللي انا بأديها .. مش هيعطش ابداً.. قالت له .. اديني من المية دي عشان معطش تاني .. فقال لها الرب يسوع .. روحي هاتي جوزك .. فقالت له انا مش متجوزه .. فقال لها .. كلامك مظبوط .. انتي فعلا مش متجوزه .. إنتي إتجوزتى خمس مرات .. و اللي عايش معاكي دلوقتي مش جوزك .. فقالت له .. يا سيد.. واضح انك نبي ..وانا عارفه ان فيه مخلص موعود بيه جي.. فقال لها الرب يسوع .. انا هو اللي بيكلمك.. انا المخلص الموعود بيه .. ساعتها .. تلاميذ يسوع وصلوا .. و اتفاجئوا انه بيكلم ست سامريه.. الست سابت جرة المية و راحت بسرعة للقريه .. و قالت للناس تعالوا شوفوا.. الراجل ده قالي علي كل اللي انا عملته.. مش يمكن هو المخلص الموعود بيه؟ .. فخرجوا معاها و جم عند البير .. و ناس كتير منهم آمنوا بسبب شهادة الست السامرية .. و إستضافوا الرب يسوع يومين.. و بسبب كلامه ناس كتيرة أمنت .. وقالوا للست احنا مش بس أمننا بسبب شهادتك.. احنا سمعنا بنفسنا .. و اتأكدنا ان الرب يسوع .. هوالمسيح مخلص العالم.