بعد العشا .. الرب يسوع راح البستان مع تلاميذه وقال لهم.. إستنوا هنا وأنا هاأروح أصلي .. ولما رجع لقاهم نايمين فقال لهم.. يعني ماقدرتوش تسهروا معايا ساعة واحدة.. إصحوا .. أسهروا وصلوا .. وسابهم ورجع يكمل صلاة بس همّا ناموا تاني.. و بعد ماخلص صلاه.. رجع لهم وقال لهم.. قوموا .. جه الوقت.. الخاين جه عشان يسلم المخلص الموعود بيه .. وتتحق كــــل النبوات المكتوبة عنّي .. وهو بيكلمهم.. جم حراس شايلين سيوف ومعاهم جمهور كبير.. وكان يهوذا مديهم علامة.. اللي هاأسلم عليه وأبوسه .. هو يسوع ..  وفعلاً جه يهوذا.. وسلم على يسوع وباسه.. فالرب يسوع قاله.. ياصاحبي.. أعمل اللي انت جاي علشانه وبعدين بص للحراس والجمهور وسألهم.. إنتواعايزين مين .. فردوا.. يسوع الناصري ..  فقال لهم.. أنا هو .. فرجعوا ووقعوا على الأرض.. وبعد كده قاموا والحراس مسكوه.. لكن واحد من تلاميذه سحب سيف .. وقطع ودن واحد من الحراس.. فالرب يسوع قال له.. رجع سيفك مكانه.. لأن اللي بيعيش بالسيف بيموت بالسيف .. ومد ايده وشفا ودن الحارس.. وبعدين كلم تلاميذه..  تفتكروا أنا ماقدرش أطلب من أبويا.. يبعتلي آلآف الملايكة يدافعوا عني ..  بس لو عملت كده  .. إزاي هتتحقق النبوات المكتوبة عني .. وكلم الحراس وقال لهم.. إنتوا ليه جايين بالسيوف والعصيان .. هو إنتوا جايين تقبضوا على مجرم ؟ .. ما أنا كنت كـــل يوم بأعلم في الهيكل .. وماقبضتوش عليّا .. لكن كـــل ده علشان تتم النبوات المكتوبة عني .. فمسكوا الرب يسوع ومشيوا بيه.. و ساعتها ..  كل تلاميذه إتخلوا عنه وهربوا.