وصل بطرس مع  جماعة المؤمنيين لبيت كرنليوس.. إللى سجد أول ما شاف بطرس .. فمنعه بطرس وقومه وقاله.. انا بني ادم زيي زيك ..  و كان بيت كرنليوس مليان بكل قرايبه و أصحابه.. فبطرس قال لهم..  انتوا عارفين انه بحسب شريعتنا.. محرم عليا ادخل بيتكم او أكون معاكم .. او أكون مع أي حد من الأمم اللي مش من نسل إبراهيم.. لكن ربنا وراني فى رؤية .. اني ما أقولش علي حد نجس.. و الروح القدس أمرني اني اجي مع رجالتكم .. علشان كدة انا هنا ..  فانتوا محتاجين تسألوني عن ايه؟ .. فرد كرنليوس .. انا كنت بصلي و فجأه ظهرلي ملاك .. و قالي ان ربنا سمع صوت صلاتي و شاف اعمالي .. و قالي ابعتلك  و اطلب منك تيجي لنا.. و دلوقتي احنا متجمعين هنا .. و مستنيين نسمع رسالة ربنا منك.. فبطرس قال..  بقي واضح قدامي ان ربنا مش بيفضّل حد عن التاني .. لكنه بيقبل اللي بيطلبه بصدق من كل قلبه .. و بدأ يبشرهم عن الرب يسوع المسيح  .. المخلص الموعود بيه ..  اللي كان بيعمل خير و معجزات مع كل الناس بدون تمييز  .. و بينقذ كل اللي مسيطر عليهم ابليس.. و رغم إنهم صلبوه.. لكنه فى اليوم التالت قام.. و طلب مننا نبشر كل الناس .. و نكون شهود علي كل اللي حصل قدامنا.. و كل اللي بيؤمن ويصدق ان الرب يسوع هو .. مخلص البشر إللى يقدر يغفر ذنوبنا كلها..  و يدينا الحياة الأبدية يخلص .. و هو بيتكلم اتملت قلوبهم بالروح القدس .. و بدأوا يسبحوا ربنا.. فاندهش جداً المؤمنين اللي جم مع بطرس .. ان الروح القدس حل علي الأمم اللي مش من نسل إبراهيم .. فطلب بطرس ميه عشان يعمدهم باسم الرب يسوع .. و قعد معاهم كذا يوم يعلمهم.. و لما رجع بطرس سمع باقي المؤمنيين ان الأمم اللي مش من نسل إبراهيم .. امنوا بالرب يسوع المسيح و قبلوا الروح القدس.. فبعضهم اتضايق من بطرس .. ازاي يروح عند الناس دي.. ياكل و يبات عندهم.. فبطرس شرح لهم كل اللي حصل في الرؤية اللي شافها .. والصوت اللي سمعه ان مفيش حد نجس ..و ازاي ان الروح القدس حل عليهم لما قبلوا الرب يسوع.. و بعد ما سمعوا كلام بطرس .. فرحوا و سبحوا ربنا و شكروه .. لأنه أدي الفرصه لكل انسان.