وجه واحد من أتباع الرب يسوع وسأله: كام مرة أغفر لأخويا؟! هل سبع مرّات؟! فرد عليه وقاله: مش بس سبع مرات، ده سبعين مرة فسبع مرات! علشان كده يشبه ملك الله في السما والأرض، ملك عنده خدام كتير، واحد منهم كان مديون له بملايين الدنانير، ولما الملك مالقاش انه هايقدر يسدد، راح أمر انه يتباع هو ومراته وعياله، علشان يسددوا الدين اللي عليهم، فدخل الخادم واستعطفه وقاله: اصبر عليّ وانا هاسدد كل الدين! فاتحنن الملك وقاله: خلاص انا مسامحك بكل الدين، لكن الخادم ده لما خرج من قدام الملك، شاف زميله اللي كان مديون له بمِيت دينار بس، فقاله: سدد الدين اللي عليك؟ فزميله قاله اصبر عليّ وانا هاسدد، لكنه رفض وسلمه للسجن لحد مايسدد دينه، واصحابه لما شافوه، راحوا بلغوا الملك، فالملك غضب جداً وجابوا قاله: انت خادم شرير، لأني انا سامحتك بكل الدين الضخم ده، وانت ماسامحتش زميلك بالدين الصغير اللي كان مديون لك بيه، فأمر الملك انه يتسلم للسجن ويعذبوه لحد مايسدد دينه، والرب يسوع راح قاللهم: بنفس الطريقة ربنا بيعاملنا لوإحنا ماغفرناش من قلوبنا لإخواتنا.