الرب يسوع .. كان قاعد في مكان العبادة  .. بيعلم الجموع .. وحواليه ناس كتير.. فجأة .. جم القادة الدينيين ومعاهم واحدة ست .. مسكوها وهي بتزني .. وجابوها قدام يسوع وقالوا له: إحنا مسكنا الست دي وهي بتزني .. و موسى بيقول .. ان اللي زي دي لازم تترجم .. أنت بتقول ايه! هم قالوا كده .. علشان يوقعوه في الغلط ويحاكموه .. وبدل ما يجاوبهم .. ركع .. وإبتدا يكتب بصباعه ع الأرض .. فكملوا يسألوه وهما مصممين .. إنه يجاوبهم .. فرفع يسوع وشه ليهم وقالهم : اللي منكم عمره ما غلط فى حياته ..  يرميها بأول حجر .. وركع تاني ..  و فضل يكتب على الأرض .. فكل الموجودين حسوا بتأنيب الضمير .. وإبتدوا يمشوا واحد ورا واحد  .. من الكبير للصغير.. وبعد ما مشيوا رفع الرب يسوع عينيه .. وبص للست وقال لها : فين الناس اللي كانوا بيشتكوا ضدك ؟  .. محدش منهم حكم عليكى .. فردت: مافيش حد ياسيد. قالها: ولا أنا كمان ها أحكم عليكي .. روحي  .. وماتكمليش في حياة الخطية تاني .