الصبح بدري.. رؤساء الكهنة..  جابوا الرب يسوع قدام الحاكم الروماني .. قام الحاكم الروماني سأله: انت ملك اليهود ؟ فرد وقاله: إنت إللى قلت بنفسك .. وبدأ رؤساء الكهنة يوجهوا ليسوع التهم .. وهو فضل ساكت.. فالحاكم سأله: مش سامع التهم اللي بتتوجه لك ؟ .. مش هاتدافع عن نفسك ؟ ..  ولكن الرب يسوع فضل ساكت.. فالحاكم قال لهم: انتم جيبتولي الراجل ده وكأنه عامل فتنة.. وبيهيج الناس.. لكن أنا بعد ماحققت معاه .. مالقيتش إنه عمل أي حاجة .. يستحق عليها الموت.. أنا ها أجلده وأطلق سراحه .. فابتدا رؤساء الكهنة يهيجوا الناس .. فابتدا الشعب يصرخ: أصلبه … أصلبه .. الحاكم كان ليه عادة إنه فى كل عيد يفرج عن واحد من المساجين  .. فسأل الشعب .. تحبوا أفرج عن  يسوع  .. ولا عن باراباس المجرم القاتل … فصرخوا: عن باراباس  .. فقال لهم: ويسوع عمل أيه  ؟… ايه الشر اللي عمله يستحق عليه الموت ؟ … فالجموع هاجت وصرخوا أكتر ..  أصلبه … أصلبه  .. فلما شاف كده خاف.. و طلب ميه وغسل ايديه وقال : أنا برئ من دم الراجل الطاهر ده … دمه في رقبتكم ,فقالوا له:   دمه علينا وعلى عيالنا .. فأمر بجلده .. وسلمه ليهم .. علشان يتصلب.